top of page

ӨСВӨР НАСНЫ АРЬС АРЧИЛГААГ ХЭРХЭН ХИЙХ ВЭ ?

Өсвөр насныхны арьсны онцлог бол маш хүчтэй догшин даавруудтай байдаг ба эрэгтэй эмэгтэй хүүхдүүдэд ялгаагүй илэрдэг байна. Тэдний арьс нэг өдөр нь хуурай, нөгөө өдөр нь тослог гэх мэтээр тун ч асуудалтай. Өнөөдөр сайхан цэвэрхэн арьстай байснаа маргааш нь битүү батга гарчих нь ч бий. Бүх хүн л энэ үеийг давж гардаг ба өөр өөрийн онцлог генүүдтэй. Энэ үед дааврууд тогтворгүй байдаг болохоор яг арьсандаа таарсан арьс арчилгаа олоход нэлээд төвөгтэй.

Өсвөрийнхөнд түгээмэл тохиолддог арьсны асуудал нь: батгаших, тослогтох, хуурайших, эмзэгшиж улайх байдаг.

Ингээд өсвөр насныханд тохирсон арьс арчилгааг хамтдаа цогцлооцгооё.

Цэвэрлэгээ

Хамгийн эхний алхам бол цэвэрлэгээ. Энэ бол өглөө сэрээд болон орой унтахын өмнө зайлшгүй хийх хамгийн чухал алхам юм. Бидний арьсан дээр үргэлж тос ялгарч мөн шөнийн турш арьсан дээр хөлс хуримтлагдаж байдаг. Иймээс өдөр тутмын нүүр цэвэрлэгээ чухал юм. Химийн найрлагатай хэт ширүүн хөөснөөс татгалзаарай. Нүүрээ ширүүн үрж угааж болохгүй шүү. Арьс тань гэмтэж, эмзэг мэдрэмтгий болох аюултай.

Чийгшүүлэхээ битгий мартаарай

Арьс тань хичнээн асуудалтай, тослог, батга гардаг ч гэлээ чийгшүүлэгч тосоо орхигдуулж болохгүй. Гол нь химийн найрлага багатай, non-comedogenic (арьсны нүх бөглөдөггүй байглийн тос) мөн өсвөр насны арьсанд зориулсан зөөлөн орц найрлагатай өөрт тохирсон бүтээгдэхүүнээ сонгоорой.

Хуурай пудр тус болохгүй

Тослог арьсны нэг асуудал нь өдрийн турш нүүрэн дээр тос ялгарч гялтагнах тал байдаг. Үүнийгээ нуухын тулд хуурай пудр хэрэглэдэг бол энэ танд тийм ч тус болохгүй. Учир нь нарийн ширхэгүүд нь арьсны нүхийг бөглөж амьгалах нөхцлийг нь хаагдуулж батга үүсгэх шалтгаан болдог. Харин хамгийн зөв арга бол илүүдэл тос шингээгч цаас юм.

Хэзээ ч нүүрний будагтайгаа унтаж болохгүй

Хичнээн туйлдаа хүртэл ядарсан ч унтахын өмнө нүүрний будгаа заавал арилгах хэрэгтэй. Ядахдаа нүүрний будаг арилгагч сальфетка шүү охидуудаа. Ганцхан шөнө л нүүрний будагтайгаа унтахад бидний арьс 2 долоо хоногоор хөгширсөн мэт гэмтэж, тэжээлээ алдсан байдаг.

Нүүрний будгаа битгий хуваалц

Та бусадтай нүүрний будгаа хуваалцах нь микробоо хуваалцаж байгаатай адил. Ялангуяа нүдний будаг, уруулын будгаа хуваалцах нь хамгийн буруу бөгөөд нүдний өвчин, ил харагдахгүй олон нян, бактериуд халдварладаг.

Шүдний OO л биш шүү

Та магадгүй нэг хуучны арга дом сонссон байх. Шүдний ОО-г батган дээр хэрэглэх нь сайн гэх мэт. Үнэндээ энэ бол таны арьсанд харшил үүсгэж муу үр дагаварыг дагуулдаг юм. Зах зээл дээр батга, арьсны асуудалд зориулан хийгдсэн хангалттай олон бүтээгдэхүүн байхад та заавал ийм буруу алхмыг битгий хийгээрэй.

Хэзээд нарны тос чухал шүү

Цаг хугацаа өнгөрөн улирах бүрт та арьсаа эрүүл сайхнаар нь авч үлдэхийг хүсч байна уу. Нарны тос арьс өнгөө алдан гундаж эрт хөгшрөлт явагдах бүр арьсны хорт хавдраас сэргийлэхэд туслах үнэнч найз тань байх болно.

Мэргэжлийн эмчээс зөвлөгөө аваарай

Үргэлж өөрөө өөртөө онош тавьж эмч байх гэж хичээх хэрэггүй. Таны арьс арчилгааны тогтмол хэвшил арьсанд тань тус болохгүй байвал мэргэжлийн эмчид хандаж зөвлөгөө аваарай. Тэд танд шинжлэх ухааны үндэслэлтэй зөв чиглэлийг өгөх болно.

Ус сайн уугаарай

Гэрэлтсэн, чийглэг арьстай байхад ус маш чухал. Өглөөг нэг аяга бүлээн усаар эхлүүлээрэй. Өдөрт авах усны хэмжээгээ нөхөхийн тулд өөрийн усны савандаа усаа хийгээд явахад энэ тийм ч хэцүү зүйл биш шүү. Хэрвээ үргэлж ус уух нь нэгэн хэвийн уйтгартай санагдаж байвал лемон, өргөст хэмх, үзэм зэрэг дуртай жимсээ нэмээрэй.

Зөв хоолло

Батга үүсгэдэг гормоны тэнцвэргүй байдал бидний идэж буй хоол хүнстэй холбоотой байдаг. Түргэн хоол, бакери, гурилан бүтээгдэхүүнүүд, шарсан хуурсан хоол, чипс, чихэр гэх зүйлсүүд хамгийн их нөлөөлдөг. Эрүүл мэндэд тустай витаминаар баялаг жимс, ногоо идэж өөрийгөө бас арьсаа хооллоорой.

Эх сурвалж: https://beautysecrets.mn/


1,376 views0 comments
bottom of page