"Эм холбоо - 2020" спортын их наадмыг амжилттай зохион байгууллаа.

Монгол Улсад орчин үеийн Эм хангамжийн байгууллага үүсэж хөгжсөний 97 жил, Монос групп үүсгэн байгууллагдсаны 30 жилийн ойн нэрэмжит "ЭМ ХОЛБОО - 2020" спортын их наадам 17 дахь жилдээ энэ сарын 17-оос 19-ны өдрүүдэд амжилттай зохион байгуулагдаж өндөрлөлөө.
Уг тэмцээнд нийт Х компаний 24 багийн 500 гаруй тамирчид сагсан бөмбөг, гар бөмбөг, шатар болон ширээний теннис гэх спортын 4 төрөлд өрсөлдсөнөөс Монос Группийн 45 тамирчин авхаалж самбаа, хурд хүчээ сорин бүх төрлүүдэд амжилттай оролцлоо.

Уг тэмцээнд Монос Группийн тамирчдаас эмэгтэй сагсан бөмбөг, эмэгтэй гар бөмбөг, шатарын төрөлд түрүүлж алтан медаль, эрэгтэй гар бөмбөгийн төрөлд 2-р дугаар байранд орж мөнгөн медаль хүртсэн бөгөөд нийлбэр дүнгээр баг хамт олноороо өндөр амжилттай оролцож Цомын эзэд боллоо. Нийт оролцсон баг тамирчиддаа мөн дахин баяр хүргэе.